Atur Pambuka

AJINING BANGSA

SAKA LUHURING BUDHAYA

Assalamualaikum warrahmatullahi wabarokatuh

Sakderengipun kula matur sumonggo panjenengan sedaya kula dhereaken puji syukur konjuk ngarsa dalem Gusti ingkang Maha Agung dene punapa kula panjenegan sedaya tansah pinayungan kanugrahaning Pangeran, cinelakno ing suka rahayu tinebihna ing godha rencana.

Kula nuwun, para maos ingkang tansah sengsem lan ingkang tansah angudi mrih ngrembakaning Blogg kami sakmenika SAHABAT-ARPEGA.BLOGSPOT.COM utaminipun para Dwija ing pawiyatan kalangan pelajar lan sederajatipun.

Kula satunggaling Dwija ingkang rumaos prihatin, awit budaya Jawi ingkang sampun kasarira ing sanobarinipun para Dwija, sampun awis-awis di budayaaken ing salebeting pawiyatan para pelajar awit kadhesek budaya lintunipun.

Kula kumawantun ngimpun budaya-budaya Jawi punika, sengaja kangge ngrembakaken budaya Jawi ingkang Adi Luhung supados mboten kadhesek budaya lintunipun, ing Lingkungan Pendidikan.

Deneng sumberipun saking buku-buku Jawi ingkang sampun lami.

Rakitan punika taksih kathah kuciwanipun babagan punapa kemawon, kangge anuju dhateng kasampurnan, panyaruwe saha panacat ingkang tansah kula antu-antu saking para sutrisna.

Panutuping atur, menawi wonten kirang renaning penggalih, kula nyuwun lumunturing samudra pangaksami. Mangga sesarengan asesanti, jaya-jaya wijayanti Rahayu Widodo nir ing sambekala.

Wassalamualaikumwarrahmatullahiwabarokatuh